Gëff Formateur bei StudyPlaces
Du studéiers a wëlls niewebäi flexibel schaffen, däi Wësse weiderginn a Schüler op hirem schoulesche Wee ënnerstëtzen?
Da gëff Deel vun eisem Team a begleed Schüler aus dem Primaire oder dem Lycée an eise Säll zu Groussbus, Useldeng oder Viichten.
Firwat Formateur bei StudyPlaces ginn?
🕐 Flexibel Aarbechtszäiten
Du gëss eis deng Disponibilitéiten un, a mir plangen deng Coursen esou, datt se bei däi Stonneplang passen.
📍 Dräi Standuerter
Du kanns, jee no denger Disponibilitéit, zu Groussbus, Useldeng oder Viichten Coursen halen.
🎓 Ideal fir Studenten
Sammel praktesch Erfarung a verdéng gläichzäiteg Sue niewent dengem Studium.
👥 Kleng Gruppen
Du betreis keng grouss Klassen, mee eenzel Schüler oder kleng Gruppe mat maximal véier Schüler.
📚 Unterrechtsmaterial zur Verfügung
Wann e Schüler keen eegent Material matbréngt, stinn passend Aufgaben an Übungsmaterialien zur Verfügung.
🤝 Ënnerstëtzung duerch eist Team
Bei Froen oder Schwieregkeete bass du net op dech eleng gestallt. Eist Organisatiounsteam ënnerstëtzt dech bei denger Aarbecht.
Wat mécht e Formateur?
Als Formateur begleeds du Schüler individuell bei hiren Hausaufgaben, dem aktuelle Schoulstoff an der Virbereedung op Tester a Prüfungen. Du erkläers d’Inhalter op eng verständlech Manéier, hëllefs bei Schwieregkeeten a sichs, wann néideg, passend zousätzlech Übungen eraus.
Och bei der Nohëllef a klenge Gruppe schafft all Schüler u sengen eegenen Aufgaben. Deng Aufgab ass et, d’Schüler individuell ze begleeden an hinnen do ze hëllefen, wou si Ënnerstëtzung brauchen.
Wie siche mir?
Dat solls du matbréngen
- Ganz gutt Kenntnisser an opmannst engem relevante Schoulfach
- Zouverlässegkeet, Pünktlechkeet, Gedold a Freed um Erklären
- E frëndlechen a respektvollen Ëmgang mat Kanner a Jugendlechen
- Eng selbststänneg a verantwortungsbewosst Aarbechtsweis
